आधा खर्ब बराबरको वैदेशिक ऋण तथा अनुदान लिँदै सरकार
काठमाडौं । सरकारले आधा खर्ब बराबरको वैदेशिक ऋण तथा अनुदान लिने भएको छ । विश्व बैंकबाट ५० अर्ब ५१ करोड रुपैयाँ बराबरको ऋण तथा अनुदान लिने भएको हो ।
असार २ गते सोमबार बसेको मन्त्रिपरिषद् बैठकले सो बराबरको सहुलियतपूर्ण ऋण लिने निर्णय गरेको हो ।
विश्व बैंकबाट पुल सुधार तथा मर्मत कार्यक्रमका लागि २० अर्ब ७९ करोड रुपैयाा सहुलियतपूर्ण ऋण लिने भएको छ । यस्तै, रणनीतिक सडक सञ्जाल तथा व्यापारिक मार्ग सुधार गर्न २९ अर्ब ७२ करोड रुपैयाँ ऋण लिने भएको हो ।
सोही बैठकले ग्रामिण विकास परियोजना बर्दियामा सञ्चालन गर्न दक्षिण कोरियाबाट १ अर्ब ८ करोड ८० लाख अनुदान लिने भएको छ ।
