यी १० कम्पनीको सेयर मूल्य बढ्यो, कुनको कति ?
काठमाडौं । साताको अन्तिम कारोबारको दिन सेयर बजार दोहोरो अंकले घटेको छ । नेपाल स्टक एक्सचेञ्ज (नेप्से) २९.७१ अंकले घटेर २१२६.४८ बिन्दुमा बन्द भएको छ ।
आज २७१ कम्पनीको ६२ लाख ७१ हजार ७७७ कित्ता सेयर किनबेच हुँदा २ अर्ब ४२ करोड ५७ लाख ८० हजार ५६४ रुपैयाँको कारेबार भएको छ ।
आज एनआईसी एशिया फ्नेक्सी क्याप फण्डको इकाइधनीहरुले सर्वाधिक कमाएका छन् । कम्पनीको सेयर ७.३९ प्रतिशत अथवा प्रतिकित्ता ६२ पैसाले बढेर प्रतिकित्ता ९ रुपैयाँ १ पैसा कायम रहेको छ ।
साथै, मनकामना सामुदायिक लघुवित्तको ५.९० प्रतिशत, इमर्जिङ्ग नेपालको ५.६६ प्रतिशत, अभियान लघुवित्तको ५.६१ प्रतिशतले सेयर मूल्य बढेको छ ।
