चुनावी सभामा जाँदा एकीकृत समाजवादीका नेता विरोध खतिवडामाथि हातपात
काठमाडौं । प्रतिनिधिसभा सदस्यका उम्मेदवार विरोध खतिवडामाथि हातपात भएको छ ।
मकवानपुर–२ का उम्मेदवार तथा एकीकृत समाजवादीका नेता खतिवडा मकवानपुरको मनहरी गाउँपालिका–४ मसिनेमा चुनावी सभामा जाने क्रममा हातपात भएको हो ।
जिल्ला प्रहरी कार्यालय मकवानपुरका डीएसपी टेकबहादुर कार्कीले खतिवडामाथि अभद्र व्यवहार गर्ने पुरुषोत्तम खड्कालाई नियन्त्रणमा लिएको जानकारी दिए ।
