सिटिजन्स बैङ्कको पन्ध्रौँ वार्षिक साधारण सभाबाट १६ प्रतिशत लाभांश पारित, मैनाली र कार्की सञ्चालक निर्वाचित
काठमाडौँ । सिटिजन्स बैङ्कको पन्ध्रौँ वार्षिक साधारण सभा सम्पन्न भएको छ । बैङ्क सञ्चालक समितिका अध्यक्ष राजनसिंह भण्डारीको अध्यक्षतामा मङ्गलवार केन्द्रीय कार्यालय नारायणहिटी पथ दरबारमार्ग काठमाडौँमा सम्पन्न भएको छ ।
बैङ्कले आ.व. २०७७/७८ को सञ्चालक समितिको वार्षिक प्रतिवेदन छलफल गरी पारित गरेको छ । बैङ्कको लेखा परीक्षकको प्रतिवेदनसहित २०७८ आषाढ मसान्तको वासलात, वित्तीय विवरणहरू छलफल गरी स्वीकृत गरी पारित गरेको छ ।
आर्थिक वर्ष २०७७÷७८ को मुनाफाबाट १६ प्रतिशत लाभांश पारित गरेको छ । बैङ्कले सेयर धनीलाई १२.९१३ प्रतिशतका दरले हुन आउने १६ करोड २४ लाख ५० हजार ८ सय ९१रुपैयाँ १० पैसा बराबरको बोनस शेयर वितरण गर्ने र ३.०८७ प्रतिशतका दरले हुन आउने ३८ करोड ८२ लाख ५६ हजार ८ सय ७ रुपैयाँ २४ पैसा बराबरको नगद लाभांश (कर समेत)० दिने प्रस्ताव सर्वसम्मतिबाट पारित गरेको छ । बोनस शेयर वितरण पछि बैङ्कको चुँत्ता पुजी १४ अर्ब २० करोड पुगेको छ ।
साथै सोही साधारण सभाले सर्वसाधारणको तर्फबाट प्रकाश चन्द्र मैनाली र विजय ध्वज कार्कीलाई सञ्चालक समितिमा निर्विरोध निर्वाचित गरेको छ ।
सिटिजन्स बैङ्कले आर्थिक वर्ष २०७८÷७९ को पहिलो त्रैमासिक सम्ममा करिब १ खर्ब ४६ अर्ब निक्षेप सङ्कलन गरी १ खर्ब ३३ अर्ब ऋण प्रवाह गरेको छ । यस बैङ्कले सोही अवधि भित्र ६९ करोड खुद मुनाफा आर्जन गरेको छ ।
सिटिजन्स बैङ्कले देशै भरी फैलिएका आफ्ना १७४ वटा शाखा, १२३ वटा ए.टी.एम. र ११२ वटा शाखा रहित बैंकिङ्ग इकाईहरूबाट करिब १२ लाख ५० हजार ग्राहक वर्गलाई आधुनिक बैंकिङ्ग सेवाहरू प्रदान गर्दै आएको छ ।
