एनएमबि बैंकको लाभांश इतिहाँसः दुई वर्ष बाहेक सेयरधनीको छैन हात खाली, कुन वर्ष कति बाँड्यो ?
काठमाडौं । अहिले लाभांश सिजन चलिरहेको छ । विभिन्न बैंक तथा वित्तीय संस्थाहरुले आफ्ना सेयरधनीलाई धमाधम लाभांश घोषणा गरिरहेका छन् ।
यसैक्रममा मंगलबार एनएमबि बैंकले पनि गत आर्थिक वर्ष २०७८/७९ मुनाफाबाट आफ्ना सेयरधनीहरुलाई लाभांश घोषणा गरेको छ ।
बैंकको मंसिर १९ गते बसेको संचालक समितिको बैठकले आफ्ना सेयरधनीलाई हाल कायम चुक्ता पुँजीको ८.२५ प्रतिशत नगद लाभांश मात्रै बाड्ने निर्णय गरेको हो । यस वर्ष बैंकका सेयरधनीहरुले बोनस सेयर भने पाउने छैनन् ।
अघिल्लो आव २०७७/७८ मा भने बैंकले १२.५ प्रतिशत बोनस सेयर र कर प्रयोजनका लागि ३.३ प्रतिशत गरि कुल १५.८ प्रतिशत लाभांश वितरण गरेको थियो ।
बैंकले विगत १८ वर्षे लाभांश इतिहाँस हेर्ने हो भने अधिकांश वर्ष बोनसमा जोड दिएको देखिएको छ । आज हामीले बैंकको आव २०६०÷६१ देखि यताको लाभांश इतिहाँसको बारेमा जानकारी गएका छौं ।
बैंकले आव २०६०÷६१ मा आफ्ना सेयरधनीलाई ३० प्रतिशत मात्र नगद लाभांश, आव २०६१/६२ मा भने ३१.५८ प्रतिशत बोनस सेयर मात्रै वितरण गरेको थियो ।
बैंकले हालसम्म सबैभन्दा बढी लाभांश आव २०७५÷७६ मा वितरण गरेको छ । सो आवमा बैंकले आफ्ना सेयरधनीलाई १४ प्रतिशत नगद लाभांश र २१ प्रतिशत बोनस सेयर गरि कुल ३५ प्रतिशत लाभांश वितरण गरेको छ ।
बैंकले आव २०६५/६६ र आव २०६८/६९ मा भने आफ्ना सेयरधनीहरुको हात खाली बनाएको थियो । सो दुई आवमा बैंकले कुनै पनि लाभांश वितरण नगरेको हो ।
बैंकले कुन वर्ष कति बाड्यो त लाभांश ?