सि.बि.आई.एल सेक्युरिटिज को दोस्रो बार्षिक साधारण सभा सम्पन्न
काठमाडौं । सिटिजन्स बैंक इन्टरनेशनलको साहयक कम्पनी सि.बि.आई.एल. सेक्युरिटिज को दोस्रो बार्षिक साधारण सभा सम्पन्न गरेको छ ।
साधारण सभा संचालक समितिको अध्यक्ष सप्तमान बज्राचार्य को अध्यक्षता तथा सिटिजन्स बैंक इन्टरनेशनल लिमिटेडका चिफ फाईन्यान्स अफिसर प्रमेश राज कायस्थको प्रमुख आथित्यमा सम्पन्न भएको छ ।
सो साधारण सभामा कम्पनीको लेखापरीक्षकको प्रतिवेदन सहित २०८१ आषाढ मसान्तको वासलात, र मिति २०८०/०४/०१ देखि २०८१/०३/३१ सम्मको नाफा नोक्सानीको हिसाब तथा नगद प्रवाह विवरण लगायतका वित्तीय विवरणहरू स्वीकृत गरिएको छ । साथै कम्पनीले गत वर्षहरुको संचित मुनाफा तथा आ.व. २०८०।८१ को वितरण योग्य मुनाफा बाट आषाढ मसान्त २०८१ मा कायम रहेको चुक्ता पुँजीको ५.२६% (कर सहित) नगद लाभांश वितरण गर्ने भएको छ ।
नेपाल धितोपत्र बोर्ड बाट अनुमतिपत्र प्राप्त धितोपत्र दलाल (ब्रोकर नं. ९१) सि.बि.आई.एल. सेक्युरिटिज लिमिटेडले आफ्नो मुख्य कार्यालय ललितपुर–१०, कुपण्डोल बाट आफ्ना ग्राहकहरुलाई धितोपत्र कारोवार सेवा दिदै आईरहेको छ । साथै यस कम्पनीले सिटिजन्स बैंक ईन्टरनेश्नल लिमिटेडका सम्पुर्ण शाखाहरु मार्फत ब्रोकर खाता खोल्ने फाराम भरी पठाउन सक्ने सेवा समेत प्रदान गर्दै आईरहेको छ ।
