४ हजार ४२६ नमुनाको परिक्षण गरियो, थप पोजेटिभ भेटिएन

अर्थ पथ
प्रकाशित मिति : २९ चैत्र २०७६, शनिबार

काठमाडौँ । कोरोना संक्रमणको ४ हजार ४२६ नमुनाको परिक्षण सम्पन्न भएको छ । स्वास्थ्य मन्त्रालयका प्रवक्ता डा. विकास देवकोटाले नियमित मिडिया ब्रिफिङका क्रम सो जानकारी गराएका हुन । यसअघि पोजेटिभ देखिएका ८ जना अहिले उपचारत रहेको र उनीहरुको अवस्था सामान्य रहेको प्रवक्ता देवकोटाले बताएका छन् ।

त्यस्तै पछिल्लो २४ घण्टामा ८ सय ९७ जनाको नमुन परीक्षण भएको छ । प्रवक्ता देवकोटाका अनुसार केन्द्रीय प्रयोगशाला टेकुमा अहिलेसम्म ३ हजार ३९२ को नमुना परिक्षण भएको छ । टेकुमा पछिल्लो २४ घण्टामा ६०९ जनाको नमुना परिक्षण सम्पन्न भएको छ । त्यस्तै काठमाडौँ बाहिर अहिलेसम्म ७ सय ४२ जनाको नमुना परिक्षण भएको छ भने पछिल्लो २४ घण्टामा २८८ जनाको नमुना परिक्षण भएको उनले बताए ।