मेगा बैंकले सेनालाई दियो वित्तीय साक्षरता
काठमाडौं । मेगा बैंकले कञ्चनपुरमा नेपाली सेनालाई वित्तीय साक्षरता दिएको छ । कञ्चनपुरको महेन्द्रनगरस्थित देवीदल गणमा कार्यरत नेपाली सेनालार्ई बैंकले वित्तीय साक्षरता कार्यक्रम गरेको हो ।
मेगा बैंक महेन्द्रनगर शाखाबाट आयोजित कार्यक्रममा शाखा प्रबन्धक सन्जोग भट्ट लगायतले मेगा बैंकका सेवा, सुविधा, बचत गर्ने तरिका र लाभ, कर्जा प्रक्रिया, दैनिक जीवनमा बैंकको महत्वका साथै वित्तीय साक्षरता र वित्तीय जागरण, आर्थिक समृद्धिका लागि बैैंकिङ सेवाको महत्वका बारेमा जानकारी दिईएको थियो ।
वित्तीय साक्षरता दिएकोमा बैंकलाई गणका गणपति प्रमुख सेनानी राजु बस्नेत र सेनानी राकेश बस्नेतले धन्यबाद दिए ।
मेगा बैंकले बचत तथा कर्जा योजना, बैंकको नेटवर्क, वित्तीय कारोबार, भविष्यको योजना, सुरक्षित बचत, कर्जा तथा विप्रेषणबाट प्राप्त रकमको उत्पादनमुलक लगानी, पारिवारिक बजेट तथा योजना, जोखिम न्यूनीकरण लगायतका विषयमा यसअघि पनि बिभिन्न जिल्लामा विद्यार्थी, व्यवसायी, सैनिक लगायतलाई साक्षरता कार्यक्रम सम्पन्न गरिसकेको छ ।
