जीवन बीमा: ३ महिनामै बीमालेख धितोमा डेढ अर्ब कर्जा प्रवाह, कुन कम्पनीका बीमितले कति लिए ऋण ? « Arthapath.com
१७ मंसिर २०८०, आईतवार

जीवन बीमा: ३ महिनामै बीमालेख धितोमा डेढ अर्ब कर्जा प्रवाह, कुन कम्पनीका बीमितले कति लिए ऋण ?



काठमाडौं । जीवन बीमा कम्पनीहरूले तीन महिनामा डेढ अर्ब रुपैयाँ बीमालेख धितो कर्जा प्रवाह गरेका छन् ।

कम्पनीहरूले चालु आर्थिक वर्ष २०८०/८१ को पहिलो त्रैमासमा १ अर्ब ४८ करोड ८८ लाख रुपैयाँ बीमितलाई कर्जा दिएका हुन् । आर्थिक शिथिलताका बाबजुद पनि कम्पनीहरूले तीन महिनामै सो बराबरको कर्जा बीमितलाई दिएका हुन् । 

जीवन बीमा कम्पनीहरूबाट बीमितले बीमालेख धितो राखी सम्बन्धित कम्पनीबाट कर्जा लिन पाइने व्यवस्था रहेको छ । बीमालेख बाहेक अन्य कुनै पनि प्रकारको चल, अचल सम्पत्ति धितो नराखीकनै ऋण प्राप्त गर्न सक्ने पनि व्यवस्था रहेको छ । जीवन बीमा लेख सम्बन्धी निर्देशिकाअनुसार बीमा सुरु भएको तीन वर्ष पूरा पुगेपछि बीमालेख धितो राखी कर्जा लिन पाउने व्यवस्था छ ।

गत आवको सोही अवधिको तुलनामा बीमालेख धितो कर्जा दोहोरो अङ्कले घटेको छ । गत आवको पहिलो त्रैमासमा कम्पनीहरूले १ अर्ब ८३ करोड बढी कर्जा प्रवाह गरेका थिए ।

चालु आवको पहिलो त्रैमासमा सबैभन्दा धेरै लाइफ इन्स्योरेन्स कर्पोरेशन (एलआइसी) नेपालका बीमितले लिएका छन् । कम्पनीले  सो अवधिमा ५३ करोड १८ लाख रुपैयाँ धितो कर्जा प्रवाह गरेको छ । 

यस्तै, नेशनल लाइफ इन्स्योन्सका बीमितले पनि तीन महिनामा २१ करोड ६१ लाख रुपैयाँ बीमालेख धितो राखी कर्जा लिएका छन् । तेस्रो स्थानमा रहेको हिमालयन लाइफले पनि आफ्ना बीमितलाई २० करोड ४८ लाख रुपैयाँ धितो कर्जा प्रवाह गरेको छ ।

यस्तै, एशियन लाइफले तीन महिनामा १४ करोड ४८ लाख, नेपाल लाइफले ११ करोड ५६ लाख, सूर्यज्योति लाइफले ११ करोड ५० लाख रुपैयाँ बीमालेख धितो राखी बीमितलाई ऋण दिएका छन् । 

त्यसैगरि राष्ट्रिय जीवन बीमा कम्पनीका बीमितले ५ करोड ५५ लाख, मेट लाइफको ५ करोड १० लाख, सिटिजनको १ करोड ८० लाख, सानिमा रिलायन्सको १ करोड ५१ लाख, प्रभु महालक्ष्मीले १ करोड १० लाख रुपैयाँ धितो कर्जा लिएका छन् । 

यता, सन नेपाल लाइफले ५० लाख रिलायवल नेपालले २७ लाख र आइएमई लाइफले भने १६ लाख रुपैयाँ धितो कर्जा बीमितलाई दिएका छन् । 

CompanyPolicy Loan
LIC Nepal 531,840
National Life 216,133
Himalayan Life204,834
Asian Life 144,895
Nepal Life 115,612
Surya Jyoti Life115,077
Rastriya Jeevan Beema55,556
Met Life 51,062
Citizen Life 18,090
Sanima Reliance Life15,170
Prabhu Mahalaxmi Life11,052
Sun Nepal Life5,027
Reliable Nepal 2,776
IME Life 1,671
Total 1,488,805


प्रतिक्रिया दिनुहोस्