भव्य रुपमा सम्पन्न भयो महालक्ष्मी लाइफको ‘क्लव एचिभर्स अवार्ड सेरेमोनी’
काठमाडौं । प्रभु महालक्ष्मी लाइफ इन्स्योरेन्स लिमिटेडको राष्ट्रियस्तरको क्लव एचिभर्स अवार्ड सेरेमोनी २०८०-८१ सम्पन्न भएको छ ।
देशैभरिबाट उत्कृष्ट व्यवसाय गर्ने अभिकर्ताहरु र उच्च व्यवस्थापकहरुको उपस्थितीमा क्लव एचिभर्स अवार्ड सेरेमोनी आयोजना गरिएको हो । कार्यक्रम भाद्र २५ गतेबाट भाद्र २७ गतेसम्म ३ दिन चितवनमा सञ्चालन भएको हो ।
कार्यक्रममा कम्पनीका प्रमुख कार्यकारी अधिकृत (सीइओ) सन्तोष प्रसाईले अभिकर्ताहरुलाई सम्मान गर्दै हौसला प्रदान गरेका थिए । अभिकर्ता पेशालाई मर्यादित र प्रेरणादायि पेशा बनाएकोमा धन्यवाद समेत व्यक्त गरे । अभिकर्ता पेशाले आम्दानीको साथ साथै मान, सम्मान र अन्तराष्ट्रिय फोरममा समेत पहिचान बनाउन सकिने उनको भनाई थियो ।
कार्यक्रममा उत्कृष्ट व्यवसाय गरी प्रेसिडेन्ट क्लव, सिइयो क्लव, म्यानेजर क्लव हासिल गर्नु भएका अभिकर्ताहरुलाई सम्मान गरिएको थियो । कार्यक्रममा इन्स्योरेन्स सेल्स मोटिभेसनल कोच विजय कुमार झाको उत्प्रेरणात्मक सेसन रहेको थियो ।
