सुनको मूल्य प्रतितोला १२ सय रुपैयाँले घट्यो, कतिमा हुँदैछ कारोबार ?
काठमाडौं । साताको पहिलो कारोबारको दिन सुनको मूल्य प्रतितोला १२ सय रुपैयाँले घटेको छ ।
आइतबार (आज) छापावला सुनको मूल्य प्रतितोला १ लाख १० हजार ६ सय रुपैयाँ कायम रहेको छ । अघिल्लो दिन (बिहीबार) छापावला सुनको मूल्य प्रतितोला १ लाख ११ हजार ८ सय रुपैयाँ कायम रहेको थियो ।
नेपाल सुनचाँदी व्यावसायी महासंघका अनुसार आज तेजावी सुनको मूल्य प्रतितोला १ लाख १० हजार ५० रुपैयाँ कायम रहेको छ । बिहीबार तेजावी सुनको मूल्य १ लाख ११ हजार २५० सय रुपैयाँमा कारोबार भएको थियो ।
साथै,आज चाँदीको मूल्य स्थिर रहेको छ । आज प्रतितोला १ हजार ४ सय ४५ रुपैयाँमा कारोबार भएको छ । अघिल्लो दिन सोही मूल्यमा कारोबार भएको थियो ।
