आज कति छ सुनचाँदीको भाउ ?
काठमाडौं । आइतबार सुनको मूल्य वृद्धि भएको छ । आज छापावाला सुनको भाउ प्रतितोला २ सय रुपैयाँले वृद्धि भएको हो ।
अघिल्लो दिन अर्थात शुक्रबार १ लाख ११ हजार ८ सय रुपैयाँमा कारोबार भएको सुन आज बढेर १ लाख १२ हजार रुपैयाँ पुगेको छ ।
नेपाल सुनचाँदी व्यवसायी महासंघका अनुसार तेजावी सुनको मूल्य भने १ लाख ११ हजार ४५० रुपैयाँ कायम भएको छ । शुक्रबार भने १ लाख ११ हजार २५० रुपैयाँमा खरिदबिक्री भएको थियो ।
यस्तै, आज चाँदीको मूल्य भने प्रतितोला १ हजार ४४५ रुपैयाँ पुगेको छ । चाँदी आइतबार प्रतितोला २० रुपैयाँले वृद्धि भएको हो ।
