प्रदेश नम्बर २ का प्रमुख राजेश अहिराजद्वारा नुवाकोट भ्रमण « Arthapath.com
२९ चैत्र २०७७, आईतवार

प्रदेश नम्बर २ का प्रमुख राजेश अहिराजद्वारा नुवाकोट भ्रमण



नुवाकोट । प्रदेश नम्बर २ का प्रमुख राजेश अहिराजले नुवाकोटका विभिन्न धार्मिक एवम् पर्यटकीयस्थलको भ्रमण तथा अवलोकन गरेका छन् । मनाङ, कास्कीको पोखरा, गोर्खा दरवार हुँदै नुवाकोट दरवार परिसरसम्म पुगेका अहिराजले शनिबार नुवाकोट दरवारको अवलोकन तथा देबि भैरबी मन्दिरको दर्शन समेत गरेका हुन् । त्यस्तै दरवार नजिक रहेको एडभेण्चर प्रालीले संचालमा ल्याएको जिपलाइनको अवलोकन गरेका छन् ।

जिपलाइनमा यात्रा गर्दा रमाइलो लागेको र जिपलाइनले आन्तरिक तथा बाह्य पर्यटकको आर्कषण बढाउनुको साथै जिल्ला र स्थानको परिचयमा अझ बढावा दिएको उनले बताए ।

अवलोकनका क्रममा अहिराजले यस क्षेत्रलाई हाइकिङ, पदमार्ग एवं घरबास (होमस्टे) सहित पर्यटकीय गन्तव्य बनाउन सके यसबाट धेरै आम्दानी लिन सकिने बताए । उनले यो क्षेत्र पर्यटकीय सम्भावना भएको क्षेत्र भएकाले यसलाई सोही अनुरुप विकास गर्न सुझाब समेत दिए ।

गोर्खा दरवार परिसर अवलोकन गरि पृथ्वीनारायण शाहको शालिकमा पुष्पगुच्छा अर्पण गरेका थिए । सो क्रममा उनी देश निर्माणका परिकल्पनाकार र नेपाल स्थापना गर्न र्पुयाएको योगदानका आधारमा अझै पनि पृथ्वीनारायण शाहप्रति उच्च सम्मान गर्नुपर्ने बताए ।


प्रतिक्रिया दिनुहोस्