लगानी बोर्डका नव नियुक्त सीईओ भट्टलाई तत्काल काम गर्न नदिन उच्च अदालतको आदेश
काठमाडौं । लगानी बोर्डका नवनियुक्त सीइओ सुशील भट्टलाई तत्काल काम गर्न नदिन सरकारका नाममा उच्च अदालत पाटनले आदेश जारी गरेको छ ।
उच्च अदालत पाटनका मुख्य न्यायाधीश नहकुल सवेदीको एकल इजलासमा साउन ३२ गते उनलाई कार्यालयमा उपस्थित हुन नदिन र सीइओको हैसियतमा काम नगर्न आदेश दिएको छ ।
उच्च अदालत पाटनको बारलाई समेत २ जना ‘एमिकस क्युरी’ पठाइदिनका लागि पत्र पठाएको छ ।
भट्टलाई गत साउन १९ गते बसेको मन्त्रिपरिषदको बैठकले लगानी बोर्डको सीइओमा नियुक्ती गरेको र उनका विरुद्ध अधिवक्ता जयबहादुर भुजेलले पाटन अदालतमा रिट निवेदन दर्ता गराएका थिए ।
