‘होम डेलिभरी’ सेवासम्बन्धी मापदण्ड स्वीकृत, शुक्रबारबाट सञ्चालन हुने यी नियम लागु गर्नुपर्ने « Artha Path
१९ भाद्र २०७७, शुक्रबार

‘होम डेलिभरी’ सेवासम्बन्धी मापदण्ड स्वीकृत, शुक्रबारबाट सञ्चालन हुने यी नियम लागु गर्नुपर्ने



कामठाडौं । जिल्ला प्रशासन कार्यालय काठमाडौँले घरदैलो अर्थात होम डेलिभरी सेवा सञ्चालनसम्बन्धी मापदण्ड स्वीकृत गरेको छ ।

काठमाडौँका प्रमुख जिल्ला अधिकारी जनकराज दाहालले मापदण्ड बिहीबार स्वीकृत भएको र शुक्रबारदेखि लागू हुने जानकारी दिएका छन् । सहायक प्रमुख जिल्ला अधिकारी जनकराज भट्टको नेतृत्वमा बनेको समितिले उक्त मापदण्ड तयार पारेको हो । घरदैलो सेवा भने दिउँसो एक बजेदेखि साँझ सात बजेसम्म मात्रै सञ्चालन गर्न पाइने छ ।

होम डेलिभरी गर्दा अपनाउनुपर्ने नियमहरु

सेवा सञ्चालन गर्ने व्यक्तिले अनिवार्य रुपमा मास्कको प्रयोग गरेको, साबुन पानीले नियमित हात धोएको तथा स्यानिटाइजरबाट हात सफा गरेको हुनुपर्ने

डेलिभरी गर्नै व्यक्तिको नाम, नम्बर संस्था स्पष्ट खुलाउनुपर्ने

मापदण्डमा माग बमोजिमको गुणस्तर कायम हुनुपर्ने, अतिरिक्त शुल्क लाग्ने भए पहिले नै जानकारी गराउनुपर्ने

बिल र बीजक अनिवार्य साथमा राख्नुपर्ने

घर दैलोमा सेवा पु¥याउनेले अनिवार्य रुपमा कम्पनीको लोगो र नामसहित व्यक्तिगत सुरक्षा उपकरण मास्क, फेस सिल्ड र स्यानिटाइजको प्रयोग गरेको हुनुपर्ने

डेलिभरी गर्ने व्यक्तिको पिसिआर रिपोर्ट नेगेटिभ भएको हुनुपर्ने

घरदैलो सेवा प्रदान गर्ने संस्थाले सेवा दिने व्यक्ति र सवारी साधनको विवरण प्रशासन कार्यालय, ट्राफिक प्रहरी, वाणिज्य आपूर्ति तथा उपभोक्ता संरक्षण विभागमा उपलब्ध गराउनुपर्ने

स्थानीय प्रशासनले त्यसरी प्राप्त भएको विवरणअनुसार डेलिभरी गर्ने व्यवसाय र सवारी साधनको आवश्यक सङ्ख्या निर्धारण गर्ने

यस्ता सवारी चार पाङ्ग्रे भएमा चालकसहित बढीमा दुई जना र दुई पाङ्ग्रे भएमा एक जना मात्रै हुुनुपर्नेछ । सेवा लिने व्यक्तिको नाम, ठेगाना र फोन नम्बर अनिवार्य लिनुपर्ने

तोकिएको बाहेकको सेवा सञ्चालन गर्न पाउने छैन ।


प्रतिक्रिया दिनुहोस्