थप १६१४ जनामा कोरोना, सक्रिय संक्रमित १६७९३ जना, २३ जनाको मृत्यु

काठमाडौं । नेपालमा थप १ हजार ६ सय १४ जनामा कोरोना देखिएको छ । यो सहित नेपालमा कुल कोरोना संक्रमितको संख्या २ लाख २७ हजार ६ सय ४० पुगेको छ । त्यस्तै, बिहीबार देशभर १ हजार ४ सय ३७ जना संक्रमणमुक्त भएका छन् । योसहित कोरोना संक्रमणमुक्त हुनेको संख्या २ लाख ९ हजार ४ सय ३५ पुगेको छ ।

त्यस्तै, देशभर १६ हजार ७ सय ९३ जना सक्रिय संक्रमित रहेको स्वास्थ्य तथा जनसंख्या मन्त्रालयले जनाएको छ । पछिल्लो २४ घन्टामा देशभर २३ जना कोरोना संक्रमितको मृत्यु भएको छ । अहिलेसम्म १ हजार ४ सय १२ जना संक्रमितको मृत्यु भइसकेको छ ।