चरामा ठोक्किर कैलाश एयरको हेलिकोप्टर नुवाकोटमा दुर्घटना

काठमाडौं । बाग्लुङबाट काठमाडौंतर्फ आइरहेको कैलाश एयरको हेकिप्टर दुर्घटनामा परेको छ । हेकिप्टर नुवाकोटको बेलकोट गाउँपालिका वडा नं ६ घ्याम्पेस्थित दाहाल डाँडामा दुर्घटनामा परेको हो । दुर्घटना हुँदा ३ जना घाइते भएका छन् ।

घट्नामा सबै यात्रुहरु सकुशल रहेको कैलाश एयरलाइन्सले जनाएको छ । काठमाडौं आउने क्रममा रहेको हेलिकोप्टरमा चरामा ठोक्किर क्षति पुगेपछि पाईलटले कुशलतापूर्वक फोर्स ल्याण्ड गराएको कैलाश एयरलाइन्सले जनाएको छ ।

घटनास्थलमा अर्को हेलिकोप्टर पुगिसकेको र यात्रुहरुको उद्धार कार्य सुरु भएको काठमाडौंस्थित विमानस्थल कार्यालयले जनाएको छ ।