थप १२५५ जनामा कोरोना, २५ जनाको मृत्यु, १४०४ जना संक्रमणमुक्त

काठमाडौं । नेपालमा थप १२५५ जनामा कोरोना संक्रमण देखा परेको छ । योसहित नेपालमा जम्मा कोरोना संक्रमितको संख्या संख्या २ लाख ३१ हजार ९ सय ७८ पुगेको छ ।

त्यस्तै आज १ हजार ४ सय ४ जना संक्रमणमुक्त भएको स्वास्थ्य तथा जनसंख्या मन्त्रालयले जनाएको छ । यो सहित नेपालमा कोराना संक्रमणमुक्त संख्या २ लाख १२ हजार ५ सय ९० पुगेको छ ।

त्यस्तै, आज १७ हजार ९ सय ९ जना सक्रिय संक्रमित रहेको मन्त्रालयले जनाएको छ । पछिल्लो २४ घन्टामा देशभर २५ जना कोरोना संक्रमितको मृत्यु भएको छ । हालसम्म १ हजार ४ सय ७९ जना संक्रमितको मृत्यु भइसकेको छ । आज ८ हजार ८ जनाको पिसिआर परीक्षण भएको मन्त्रालयले जनाएको छ ।

त्यस्तै, पछिल्लो २४ घण्टामा काठमाडौं उपत्यकामा ५४८ जना कोरोना संक्रमित थपिएका छन् । योसँगै उपत्यकामा एक लाख ७ हजार ५९६ जना व्यक्ति संक्रमित भएका छन् ।

स्वास्थ्य तथा जनसंख्या मन्त्रालयका अनुसार काठमाडौंमा ४२२, ललितपुरमा ६१ र भक्तपुरमा ६५ जनालाई कोरोना संक्रमण देखिएको छ ।