थप १४७४ जनामा कोरोना, २९ जनाको मृत्य, १९३१ जना संक्रमणमुक्त

काठमाडौं । नेपालमा थप १ हजार ४ सय ७४ जनामा कोरोना संक्रमण देखा परेको छ । यो सहित नेपालमा कुल संक्रमितको संख्या २ लाख ३३ हजार ४ सय ५२ पुगेको छ ।
त्यस्तै, सोमबार १ हजार ९ सय ३१ जना संक्रमणमुक्त भएको स्वास्थ्य तथा जनसंख्या मन्त्रालयले जनाएको छ । योसँगै संक्रमणमुक्त हुनेको संख्या २ लाख १४ हजार ५ सय २१ पुगेको जनाएको हो ।

त्यस्तै, सोमबार देशभर १७ हजार ४ सय २३ जना सक्रिय संक्रमित रहेको मन्त्रालयले जनाएको छ । त्यस्तै, पछिल्लो २४ घन्टामा देशभर २९ जना कोरोना संक्रमितको मृत्यु भएको छ । अहिलेसम्म १ हजार ५ सय ८ जना संक्रमितको मृत्यु भइसकेको छ ।