नेप्से २५.२१ अंकले बढेर २०८७.२७ अंकमा बन्द, ५ अर्ब ७० करोडको कारोबार

काठमाडौं । साताको अन्तिम दिन नेप्से बढेको छ । बिहीबार नेपाल स्टक एक्सचेञ्ज (नेप्से) परिसूचक २५.२१ अंकले बढेर २०८७.२७ अंकमा बन्द भएको छ । अन्तिम दिन बिहीबार २०७ कम्पनीको बजारमा १ करोड १४ लाख ६४ हजार २ सय कित्ता सेयर किनबेच हुँदा ५ अर्ब ७० करोड ३४ लाख ६९ हजार ८३७ रुपैयाँमा कारोबार भएको छ ।

कारोबार भएका कूल १२ उपसमूह मध्ये आज ११ वटा उपसमूहको शेयर बढेको छ भने बाँकी एउटा उपसमूहको शेयर मात्र घटेको छ ।

बिहीबार कारोबार रकमको आधारमा हिमालयन डिष्टिलरीले अग्रता कायम गर्न सफल भएको छ । कम्पनीको ४६ करोड ८८ लाख १८ हजार ९ सय १७ रूपैयाँ बराबरको कारोबार भएको छ ।