निर्धन उत्थान लघुवित्तको साधारण सभा फागुन २५ गते, १३.६८% लाभांश पारित हुने « Artha Path
३ फाल्गुन २०७७, सोमबार

निर्धन उत्थान लघुवित्तको साधारण सभा फागुन २५ गते, १३.६८% लाभांश पारित हुने



काठमाडौं । निर्धन उत्थान लघुवित्त वित्तीय संस्था लिमिटेडले फागुन २५ गते २२ औं वार्षिक साधारण सभा गर्ने भएको छ । कम्पनीको माघ २७ गते बसेको सञ्चालक समितिको बैठकले उक्त सभाको निर्णय गरेको हो ।

सभामा प्रस्तावित लाभांशसहित गत आर्थिक वर्षको वार्षिक प्रतिवेदनसहितका वित्तीय विवरण पारित गर्ने जनाएको छ । यस वर्ष कम्पनीले कुल १३.६८ प्रतिशत लाभांश प्रस्ताव गरेको छ ।कम्पनीको पुस २४ गतेको सञ्चालक समितिको बैठकले १३ प्रतिशत बोनस शेयर र कर प्रयोजनका लागि शून्य दशमलव ६८ प्रतिशत नगद लाभांश वितरण गर्ने प्रस्ताव गरेको हो ।

हाल कम्पनीको चुक्ता पूँजी १ अर्ब ५० करोड रहेको छ । सोही पूँजीको आधारमा कम्पनीले लाभांश वितरण गर्न लागेको हो । साधारण सभा प्रयोजनका लागि कम्पनीले फागुन ११ गतेदेखि सभा हुने दिनसम्म बुक क्लोज गर्ने भएको छ । बुक क्लोजको आधारमा फागुन १० गतेसम्म कायम शेयरधनीहरु मात्र लाभांश प्राप्त गर्न योग्य हुने छन् ।


प्रतिक्रिया दिनुहोस्