लुम्बिनीमा दिनभर राजनीतिक तनाव, शंकर पाेखरेल पुनः मुख्यमन्त्री, माकेद्वारा दाबी प्रस्तुत
काठमाडाैं । लुम्बिनी प्रदेश सरकारका लागि आइतवारको दिन निकै रोमाञ्चक रह्यो । आइतवार मुख्यमन्त्री शंकर पोखरेलमाथि अविस्वासको प्रस्तावमा मतदान हुने भएपछि पोखरेलले आज विहानै राजिनामा बुझाए । उनको राजिनामा स्वीकृत भएलगत्तै प्रदेश प्रमुखले पोखरेललाई नै पुनः मुख्य मन्त्री नियुक्त गरे ।
तर यसबीचमा कपिलबस्तु क्षेत्र नम्बर १ (क)बाट निर्वाचित एमाले सांसद दुगनारायण पाण्डेले सांसद पदबाटै राजिनामा दिए । विमला केसीले यसअघि नै आफू नेकपाको विभाजनपछि माओवादी केन्द्रमा प्रवेश गर्न चाहेको भन्दै निवेदन दिइसकेकी थिइन् । उनी माओवादीमा गएपछि पोखरेल अल्पमतमा परेका थिए ।
प्रदेश प्रमुख धर्मनाथ यादवले पोखरेललाई पुनः मुख्यमन्त्रीमा नियुक्त गरेपछि माओवादी केन्द्रका संसदीय दलका नेता कुलप्रसाद केसीले ४२ जना प्रदेश सांसदको हस्ताक्षरसहित मुख्यमन्त्रीमा आफ्नो दाबेबारी प्रस्तुत गरेको छ ।
हेर्नुस् केही तस्वीरः
