चीनले अनुदानमा दिएको ४ सय थान अक्सिजन सिलिन्डर आइपुग्यो
काठमाडौँ । कोरोना महामारीको दोस्रो लहर बढिरहेको बेला चीन सरकारले अनुदानमा उपलब्ध गराउने भनेको २० हजारमध्ये चार सय थान अक्सिजन सिलिन्डर काठमाडौं आइपुगेको छ ।
आज वाइड बडी ए३३० विमानले चार सय थान अक्सजिन सिलिन्डर चीनबाट नेपाल ल्याइएको स्वास्थ्य तथा जनसंख्या मन्त्रालयले जनाएको छ ।
चिनबाट विमानले आज अक्सिजन सिलिण्डरका साथै १६० अक्सिजन कन्सर्नटेटर, १० थान भेन्टीलेटर गरि करिब ३० टन सामान ल्याएको स्वास्थ्य मन्त्रालयले जनाएको छ । बाँकी सिलिन्डर क्रमशः ल्याइने मन्त्रालयले जनाएको छ ।
