नबिल ब्यालेन्स फण्ड – ३ को इकाई बाँडफाँट
काठमाडौँ । नबिल म्युचुअल फण्ड अन्तर्गत सञ्चालन हुने नबिल ब्यालेन्स फण्ड– ३ को इकाई बाँडफाँट भएको छ । आज बिहान नबिल इन्भेष्टमेण्ट बैकिङको कार्यालयमा नबिल ब्यालेन्स फण्ड ३ का इकाईहश्र बाँडफाँट गरिएको हो ।
योजनाले निष्कासित इकाईमध्ये कुल विक्री भएको इकाईको १५ प्रतिशत अर्थात् १ करोड ५० लाख इकाईमध्ये १४ प्रतिशत अर्थात् १ करोड ४० लाख इकाई कोष प्रवर्द्धक नबिल बैङ्कलाई सुरक्षित गरेको छ भने १ प्रतिशत अर्थात् १० लाख इकाई योजना व्यवस्थापक नबिल इन्भेष्टमेण्ट बैङ्किङलाई सुरक्षित गरेको छ । त्यसैगरी बाँकी रहेको ८ करोड ५० लाख इकाई लागि सर्वसाधारणलाई निष्कासन गरिएको थियो । उक्त इकाईमा १ लाख ४३ हजार २५१ जना आवेदकले २२ करोड ९४ लाख २३ हजार १७० इकाईका लागि आवेदन दिएका थिए ।
१ सय ईकाईदेखि १६ हजार इकाईसम्म माग गर्ने आवेदकले माग गरे जति ईकाई पाएका छन । त्यसैगरी १७ हजार इकाईदेखि १ करोड इकाईसम्म माग गर्ने आवेदकहरुलाई १६ हजार ६७० इकाई र बाँकी रहेको २ हजार ३८० इकाई २३८ जनालाई १० इकाईको दरले थप बाँडफाँट गरिएको नबिल इन्भेष्टमेण्ट बुकिङले जानकारी दिएको छ ।
फण्डले भदौ २५ गतेदेखि २९ गतेसम्म १० करोड इकाई निष्कासन गरेको थियो ।
