ग्लोबल आइएमई बैंकको ५ अर्बको ऋणपत्र बिक्रीमा, ब्याजदर कति ?
काठमाडौं । ग्लोबल आइएमई बैंक लिमिटेडले ऋणपत्र आज (माघ २९ गते) देखि निष्कासनमा आएको छ । कम्पनीले ५ अर्ब रुपैयाँ बराबरको ऋणपत्र निष्कासन गरेको हो ।
बैंकले प्रतिइकाई १ हजार रुपैयाँको दरमा ५० लाख इकाई ऋणपत्र जारी गरेको हो। यसमध्ये ३० लाख इकाई बैंकले आफ्नै पहलमा अन्य संघसंस्थालाई र सामुहिक लगानी कोषलाई १ लाख इकाई ऋणपत्र छुट्याएको थियो । जसमा ७० हजार इकाई लागि मात्रै आवेदन परेको थियो ।
बाँकी ३० हजार इकाई सहित १९ लाख ३० हजार इकाई सर्वसाधारणका लागि खुला हुनेछ । ग्लोबल आइएमईले ५ वर्ष अवधिको ११।२५५ ब्याजदर भएको ‘ग्लोबल आइएमई बैंक डिबेन्चर २०८४÷८५’ जारी गर्न लागेको हो । कम्पनीको बिक्री प्रबन्धकमा सनराइज क्यापिटलले रहेको छ ।
उक्त ऋणपत्रमा फागुन ३ गतेसम्म आवेदन दिन पाइनेछ भने सो अवधि भित्र माग बमोजिमको आवेदन नपरेको खण्डमा फागुन १४ गतेसम्म खुला रहनेछ । न्यूनतम २५ इकाईदेखि अधिकतम १० लाख इकाईसम्म आवेदन दिन सकिनेछ ।
यसमा सी–आस्वा सदस्य बैंक तथा वित्तीय संस्था र मेरो सेयर सफ्टवेयरमार्फत अनलाइनबाट आवेदन दिन सकिनेछ ।
