दोहोरो अंकले घट्यो नेप्से, कारोबार रकम पनि घट्यो
काठमाडौं । सेयर कारोबार साताको पहिलो दिन आइतबार नेप्से परिसूचक दोहोरो अंकले ओरालो लागेको छ । यसदिन नेप्से ७.७३ अंकले ओरालो लाग्दा कारोबार रकम घटेको छ ।
यसदिन २६ सय ५३ दशमलव ७० विन्दुमा बन्द हुदाँ ३ अर्ब २७ करोड बराबरको सेयर कारोबार भयो ।
बिहिबार दोहोरो अंकले घटेको बजार साताको पहिलो दिन आइतबार पनि घटेको हो ।
यस्तै सेन्सेटिभ इण्डेक्स पनि दोहोरो अंकले घटेको छ । सेन्सेटिभ इण्डेक्स ०.७३ अंकले घटेर ५०६.८४ पुगेको छ । यसदिन २२४ कम्पनीको ७० लाख ४० हजार ५६३ कित्ता सेयर ३ अर्ब २७ करोड ३० लाख ६५ हजार ९१० रकमको कारोबार भएको हो ।
जुन गत साता बिहिबार ४ अर्ब २९ करोड ३८ लाख ६४ हजार १९२ रुपैयाँमा खरिदबिक्री भएको थियो । यसदिन कारोबारमा आएका १३ वटा समुहको सूचक मध्ये ११ वटा घटेको छ भने हाइड्रो समुह र अन्य समुहको सुचक बढेको छ ।
