शेयर बजारको ओरालो यात्रा निरन्तर, कारोबार रकम पनि घट्यो
काठमाडौं । शेयर बजारको ओरालो यात्रा जारी रहेको छ । मंगलबार पनि शेयर बजार दोहोरो अंकले गिरावट आएको हो । आर्थिक संकटको दबाव बढ्दै गएका बेला शेयर बजार पनि निरन्तर ओरालो लाग्दै आएको छ ।
स्वायत्त निकाय नेपाल राष्ट्र बैंक माथि सरकारले गरेको हस्तक्षेपका कारण शेयर बजारमा प्रभाव पारेको शेयर विज्ञहरु बताउँछन् । कारोबार शुरु भएको केही समय बजार बढेपछि गभर्नर निलम्बनले बजारमा सकारात्मक प्रभाव पारेको भन्दै लगानीकर्ता उत्साहित भएका थिए । तर लगानीकर्ताको उक्त उत्साह निराशामा परिणत भएको हो ।
गत शुक्रबार सरकारलाई हसयोग नगरेको भन्दै नेपाल राष्ट्र बैंकका गभर्नर महाप्रसाद अधिकारीलाई निलम्बन गरेको थियो । बजारमा तरलता अभाव कायम र ब्याजदर बढेका कारण पनि शेयर बजार निरन्तर ओरालो लाग्दै आएको हो ।
मंगलबार नेपाल स्टक एक्सचेञ्ज (नेप्से) ३४.७८ अंकले घटेर २३८५.०२ अंकमा बन्द भएको छ । यसअघि हिजो सोमबार नेप्से परिसूचक ४४.६४ अंकले बन्द भएर २४१९.७१ अंकमा बन्द भएको थियो ।
त्यस्तै, मंगलबार दिनभरिमा २३७ कम्पनीको ३७ लाख ८३ हजार २४ कित्ता शेयर ३१ हजार ५७६ पटक किनबेच हुँदा १ अर्ब ५२ करोड ४३ लाख ६४ हजार ४१८ रुपैयाँ बराबरको कारोबार भएको छ । यसअघि हिजो सोमबार दिनभरिमा २३३ कम्पनीको ५० लाख ९५ हजार ८३४ कित्ता शेयर ४० हजार ५०७ पटक किनबेच हुँदा २ अर्ब २६ करोड ७ लाख ८६ हजार ६२८ रुपैयाँ बराबरको कारोबार भएको थियो । ।
होटल तथा पर्यटन समूह ०.०१ प्रतिशत बढेको छ भने अनय सबै समूहमा राताम्या छाएको छ ।
मंगलबार बैंकिङ समूह ०.८१ प्रतिशत, ब्यापार समूह १.८१ प्रतिशत, विकास बैंक समूह १.७१ प्रतिशत, हाइड्रोपावर समूह १.९ प्रतिशत, फाइनान्स समूह २.४ प्रतिशत, निर्जीवन बीमा समूह २.०८ प्रतिशत, म्यानुफ्याक्ट्ररिङ एण्ड प्रोसेसिङ समूह १.७४ प्रतिशत, अन्य समूह २.३३ प्रतिशत, माकइक्रोफाइनान्स समूह १.०७ प्रतिशत, जीवन बीमा समूह १.६१ प्रतिशत, म्युचुअल फण्ड समूह १.२६ प्रतिशत र इन्भेष्टमेन्ट समूह २.०१ प्रतिशतले शेयर मूल्य घटेको छ ।
सोमबार नेष्डो समृद्ध लघुवित्तको शेयर मूल्य १० प्रतिशत बढेको छ । त्यस्तै, इमर्जिङ्ग नेपालको शेयर मूल्य ६.५९ प्रतिशत घटेको छ ।
