आजसम्म भिजन लुम्बिनी उर्जा कम्पनीको आइपीओ आइपीओमा कति पर्यो आवेदन ?
काठमाडौं । भिजन लुम्बिनी उर्जा कम्पनीको आइपीओमा २५ हजार ५९९ जना वैदेशिक रोजगारीमा रहेका नेपालीले आवेदन दिएका छन् । सिडिएसका अनुसार आज अर्थात भदौ २७ गते साँझ ५ः०६ बजेसम्म ६ लाख ९१ हजार ३२० कित्ता बराबरको ६ करोड ९१ लाख ३२ हजार रुपैयाँका लागि आवेदन दिएका हुन् ।
यता, आयोजना प्रभावित स्थानिय बासिन्दाले भने कम्पनीको आइपीओमा ७५ जनाले मात्र आवेदन दिएका छ । ४५ हजार ४४० कित्ताका लागि आवेदन दिएका हुन् ।
कम्पनीले भदौ १९ गतेदेखि आयोजना प्रभावित स्थानीय र वैदेशिक रोजगारीमा रहेका नेपालीका लागि आइपीओ बिक्री खुला गरेको हो ।
कम्पनीले स्थानीयलाई जारी पुँजी १ अर्ब ९१ करोड २५ लाख रुपैयाँको १० प्रतिशत अर्थात १९ करोड १२ लाख २५ हजार रुपैयाँ बराबरको सेयर निष्कासन गरेको हो । कम्पनीले १ सय अंकित मूल्यमा १९ लाख १२ हजार ५ सय कित्ता सेयर स्थानीयलाई जारी गरेको छ। जसमा अति प्रभावित क्षेत्र कास्की जिल्लाको माछापुच्छ्रे गाउँपालिकाको वडा नं १, २, ३, ४ र पोखरा महानगरपालिकाको वडा नं १९ का स्थानीय बासिन्दालाई निष्कासन गरेको हो ।
साथै,सर्वसाधारणमा निष्कासन हुने सेयरमध्ये १० प्रतिशत अर्थात १ लाख ९१ हजार २५० कित्ता सेयरमा भने वैदेशिक रोजगारीमा रहेका नेपालीले आवेदन दिन सक्नेछन् । आइपीओमा स्थानीय लगानीकर्ताले न्यूनतम १० कित्ता देखि अधिकतम ३ लाख ८० हजार कित्ता र वैदेशिक रोजगारीमा रहेका नेपालीले न्यूनतम १० कित्ता देखि अधिकतम १९ हजार १२० कित्तासम्म आवेदन दिन सक्नेछन् ।
आइपीओमा असोज २ गतेसम्म आवेदन दिन सकिनेछ । स्थानीयले भने सो अवधिसम्ममा पूर्ण आवेदन नपरेमा असोज १७ गतेसम्म आवेदन दिन पाउनेछन् ।
स्थानीयले सेती नदी जलविद्युत आयोजना स्थल, माछापुच्छ्रे गाउँपालिका, मुक्तिनाथ विकास बैंकका तोकिएका शाखा कार्यालय र नेपाल फाइनान्स माछापुच्छ्रे गाउँपालिका भुजुङ्गखोला शाखाबाट आवेदन दिन सक्नेछन् । आयोजना प्रभावित क्षेत्रका बासिन्दाहरुले सेयर खरिद आवेदन प्राप्त गर्नका लागि दरखास्त फारमबाट २ रुपैयाँ शुल्क बुझाउनु पर्नेछ । वैदेशिक रोजगारीमा रहेका नेपालीले भने सी–आस्वा प्राप्त बैंक तथा वित्तीय संस्था तथा मेरो सेयरमार्फत सेयर भर्न सक्नेछन् ।
