मंसिर ४ र ५ गते सार्वजनिक बिदा दिने सरकारको निर्णय
काठमाडौं । आगामी निर्वाचनका लागि मतदानस्थल रहेका शिक्षण संस्थाहरु ४ दिन बिदा हुने भएका छन् ।
मंसिर २ गतेदेखि ५ गतेसम्म मतदानस्थल रहेका शिक्षण संस्थाहरु बन्द हुने भएका हुन । सरकारी कार्यालय र सार्वजनिक संस्थानहरु भने मंसिर ४ र ५ गते बन्द हुनेछन् ।
गृहमन्त्रालयले आज सूचना जारी गरी विदासम्बन्धी जानकारी दिएको हो । आगामी मंसिर ४ गते देशभर एकैचरणमा प्रतिनिधि सभा र प्रदेश सभा सदस्यको निर्वाचन हुँदैछ ।
