ग्लोबल आइएमई बैंकले मंसिर २८ गते बोलायो साधारण सभा, बुक क्लोज कहिले ?
काठमाडौँ । ग्लोबल आइएमई बैंक लिमिटेडले मंसिर २८ गते १७औँ वार्षिक साधारण सभा बोलाएको छ । सभा नेपाल प्रज्ञा प्रतिष्ठान, कमलादीमा बिहान ९ बजे बस्ने गरी आव्हान गरेको हो ।
सभाले गत आर्थिक वर्षको मुनाफाबाट आफ्ना सेयरधनीहरुलाई प्रस्ताव गरेको १ प्रतिशत बोनस र ८ प्रतिशत नगद लाभांश पारित गर्ने मुख्य एजेण्डा रहेको छ ।
साथै, सभाले गत आर्थिक वर्षको वार्षिक प्रतिवेदन माथि छलफल गरी पारित गर्नुका साथैचालु आर्थिक वर्षको लागि लेखा परीक्षकको नियुक्ति र निजको पारिश्रमिक निर्धारण गर्ने प्रस्ताव समेत पारित गर्नेछ । सभाले प्रबन्धपत्र तथा नियमावली संशोधन गर्न सञ्चालक समितिलाई अख्तियारी दिने, संस्थापक सेयरधनीको तर्फबाट ३ जना र सर्वसाधारण सेयरधनीको समूहबाट ३ जना गरी ६ जना सञ्चालकको निर्वाचन गर्नेछ ।
साधारण सभा तथा लाभांश वितरण प्रयोजनार्थ बैंकले मंसिर १३ गते बुकक्लोज गर्ने भएको हुँदा मंसिर १२ गतेसम्म कायम सेयरधनीहरुले मात्र सभामा भाग लिन पाउनेछन्।
