प्रभु इन्स्योरेन्सले घोषणा गर्यो लाभांश, सेयरधनीलाई बोनस र नगद कति ?
काठमाडौं । प्रभु इन्स्योरेन्स कम्पनीले लाभांश घोषणा गरेको छ । कम्पनीले हाल कायम चुक्ता पुँजीको ५ प्रतिशत लाभांश वितरण गर्ने प्रस्ताव गरेको छ ।
कम्पनीले गत आर्थिक वर्षको मुनाफाबाट आफ्ना सेयरधनीलाई ४.७५ प्रतिशत बोनस र कर बापत ०.२५ प्रतिशत नगद लाभांश दिने भएको छ ।
फागुन २० गते बसेको संचालक समितिको बैठकले सो बराबरको लाभांश दिने प्रस्ताव गरेको हो । अब उक्त प्रस्ताव नेपाल बीमा प्राधिकरणमा स्वीकृतिका लागि पेश गर्नेछ । प्राधिकरणले स्वीकृति दिएपछि कम्पनीको आगामी वार्षिक साधारण सभाले पारित गरेपछि वितरण हुनेछ ।
