बाँकेमा ४२ वर्षीय कोरोना संक्रमित पुरूषको मृत्यु « Artha Path
२३ भाद्र २०७७, मंगलवार

बाँकेमा ४२ वर्षीय कोरोना संक्रमित पुरूषको मृत्यु



काठमाडौं । विश्वभर महामारीको रुपमा फैलिरहेको कोरोना भाइरस कोभिड १९ बाट बाँकेमा मंगलबार थप एक जना कोरोना संक्रमित पुरूषको ज्यान गएको छ ।

अर्घाखाँचीको सितगंगा नगरपालिका वडा नं। १२ निवासी ४२ वर्षीय पुरूषको मंगलबार बिहान ९ स् २० बजे नेपालगञ्ज मेडिकल कलेज शिक्षण अस्पताल कोहलपुरमा ज्यान गएको हो ।

बाँकेका जिल्ला कोरोना फोकल पर्सन नरेश श्रेष्ठका अनुसार गम्भीर खाले निमोनियाको कारण उनको मृत्यु भएको हो।उनी पेशाले टिपर चालक थिए।

उनी साउन २७ गते टिपर दुर्घटनामा घाइते भएपछि युनिभर्सल मेडिकल कलेज भैरहवामा उपचारका लागि भर्ना भएका थिए।

उनको स्वास्थ्यमा समस्या आएपछि कोरोना आशंका लागेर भदौ ४ गते स्वाब संकलन भएको र भदौ ५ गते उनको रिपोर्ट पोजेटिभ आएको फोकल पर्सन श्रेष्ठले जानकारी दिए।

त्यसपछि युनिभर्सल मेडिकल कलेज भैरहवाले भीम अस्पताल भैरहवामा रिफर गरेपछि भदौ ५ गतेदेखि ९ गतेसम्म उपचार भएको थियो।

त्यहाँ केही सुधार भएपछि भदौ ११ गते बिहान भीम अस्पतालले नेपालगञ्ज मेडिकल कलेज शिक्षण अस्पतालमा थप उपचारका लागि रिफर गरेको श्रेष्ठले जानकारी दिए।

बिरामीको अवस्थामा सुधार नआएपछि त्यही उपचारका क्रममा उनको मंगलबार बिहान मृत्यु भएको श्रेष्ठले बताए।

योसँगै बाँकेमा उपचारका लागि ल्याइएकामध्ये मंगलबारसम्म तीन जना बाहिरी जिल्लाका संक्रमितको मृत्यु भएको छ।

फोकल पर्सन श्रेष्ठका अनुसार यसअघि अछाम जिल्लाका एक र कैलालीका अर्का एक कोरोना संक्रमित व्यक्तिको पनि उपचारका क्रममा मृत्यु भइसकेको छ।

योसँगै बाँकेमा कोरोना संक्रमित ८ जनाको मृत्यु भएको श्रेष्ठले बताए ।


प्रतिक्रिया दिनुहोस्