आजदेखी नयाँ बर्ष शुरु, २०७७ सालको सम्पूर्णमा शुभकामना « Arthapath.com
१ बैशाख २०७७, सोमबार

आजदेखी नयाँ बर्ष शुरु, २०७७ सालको सम्पूर्णमा शुभकामना



काठमाडौँ । आजदेखि नेपाली नयाँ वर्ष २०७७ शुरु भएको छ । नेपालको मौलिक संवत् मानिने विक्रम संवत्को आफ्नै महत्व र वैज्ञानिकता भएको ज्योतिषविद् बताउँछन् । सरकारी कामकाजमा वि.सं. चलाउने नेपाल एक मात्र मुलुक हो । हरेक वैशाख सङ्क्रान्तिदेखि यो संवत्को आरम्भ हुन्छ । यो संवत्का आरम्भकर्ता विक्रामादित्य हुनुहुन्छ ।

ज्योतिष पं. दीपक सुवेदीले यो संवत् सूर्यको गतिका आधारमा तय भएकाले यसको विशेष वैज्ञानिकता पुष्टि भइकेकाले बताउनुभयो । उहाँले आफ्नो पहिचान बोकेको संवत्लाई महत्व दिइनु नेपालका लागि गौरवको विषय भएको बताए । ज्यो सुवेदीले भने, “गणितीय हिषाबले यस वर्ष प्रारम्भ र भविष्यफलहरुले विश्वमा नै प्रभाव पार्दछ । सूर्यले ३६० डिग्री पूरा गरेर ० डिग्रीमा प्रवेश गरेका आधारमा यो संवत् शुरु हुन्छ । त्यसकारण यो संवत्बारे कुनै अन्योल पालिरहनु पर्दैन ।”साथै नयाँ बष २०७७ सालको पावन अवसरमा हामी हाम्रा सुभेच्छुकलाई शुभकामना ब्यक्त गर्दछौँँ ।


प्रतिक्रिया दिनुहोस्