जन्ती बोकेको जीप दुर्घटना हुँदा ४ जनाको मृत्यु

काठमाडौं । रुकुम पश्चिममा जन्ती बोकेको जीप दुर्घटना हुँदा ४ जनाको मृत्यु भएको । जीप कच्ची सडकमा दुर्घटना हुँदा रुकुम पश्चिम आठबीसकोट नगरपालिका–७ पोखरामा ४ को मृत्यु भएको हो ।

आठबीसकोट–२ घारीखोलाबाट जन्ती लिएर आठबीसकोट–८ दाँजेतर्फ जाँदै गरेको रा १ ज ५८९ नम्बरको जीप गए राति दुर्घटना हुँदा आठबीसकोटका ६६ वर्षीय सार्के नेपाली, ४८ वर्षीय आइते चदारा, अन्दाजी ५१ वर्षीय गोरे नेपाली र सोही नगरपालिका–७ का ५१ वर्षीय कलिभान नेपालीको मृत्यु भएको नगरप्रमुख गोरखबहादुर केसीले जानकारी दिए । त्यस्तै, दुर्घटनामा ६० वर्षीय लालबहादुर नेपाली सख्त घाइते भएका छन् । जीप चालक फरार रहेको प्रहरीले जनाएको छ ।