फर्स्ट माइक्रोफाइनान्स १ लाख ५० हजार कित्ता संस्थापक शेयर लिलाम बिक्री गर्दै
काठमाडौं । फस्र्ट माइक्रोफाइनान्स लघुवित्त वित्तीय संस्थाले संस्थापक समूहतर्फको १ लाख ५० हजार कित्ता शेयर लिलाम बिक्री गर्ने भएको छ ।
सो शेयर खरिदका लागि मंसिर २८ गतेदेखि पुस १९ गतेसम्म शिलबन्दी बोलपत्र पेश गर्न सक्नेछन् । शेयरको न्यूनतम मूल्य २९५ रुपैयाँ तोकिएको छ । त्यसैले, बोलपत्र पेश गर्दा सो वा सोभन्दा बढी मूल्य अंकित गर्नुपर्नेछ । लगानीकर्ताले न्यूनतम १५ हजार कित्ता शेयरका लागि आवेदन दिनु पर्नेछ । लघुवित्तको शेयर बिक्री प्रबन्धक मुक्तिनाथ क्यापिटल लिमिटेड रहेको छ ।
