थप ३०४२ जना कोरोना संक्रमित, २६ जनाको मृत्यु
काठमाडौं । आज शुक्रबार पछिल्लो २४ घण्टामा देशभर थप ३ हजार ४२ जनामा कोरोना संक्रमण पुष्टि भएको छ । स्वनस्थ्य तथा जनसंख्या मन्त्रालयका अनुसार १० हजार ५ सय ३० जनाको पीसीआर परीक्षण गर्दा २ हजार ७९ र ७ हजार १ सय २४ नमुनाको एन्टिजेन परीक्षण गर्दा ९ सय ६३ जना गरी ३ हजार ४२ जनामा कोरोना संक्रमण पुष्टि भएको हो । यो संगै कोरोना संक्रमित हुनेको संख्या ७ लाख ४४ हजार ३ सय ७ पुगेको छ ।
गत २४ घण्टामा कोरोना संक्रमणबाट २६ जनाको मृत्यु भएको छ । यो संगै कोरोना संक्रमणबाट मुत्यु हुनेको संख्या १० हजार ४ सय ५५ पुगेको छ ।त्यसैगरी थप २ हजार २ सय ४४ जना निको भएका छन् । यो संगै कोरोना संक्रमणमुक्त हुनेको संख्या ६ लाख ९३ हजार ५ सय ४३ पुगेको छ । हाल देशभर ४० हजार ३ सय ९ जना सक्रिय संक्रमित रहेका छन ।
