एक्सेल डेभलपमेन्ट बैंकको लाभांश र साधारण सभा सुरक्षित गर्ने आज अन्तिम दिन
काठमाडौं । एक्सेल डेभलपमेन्ट बैंकको साधारण सभा र लाभांश सुरक्षित गर्ने आज अन्तिम दिन रहेको छ । बैंकले लाभांश र सभा प्रयोजनका लागि असोज १ गतेदेखि असोज १६ गतेसम्म बुक क्लोज गर्ने निर्णय गरेको छ । त्यसैले आज भदौ ३१ गतेसम्म कायम सेयरधनीहरुले मात्र लाभांश र सभामा भाग लिन पाउने छन् ।
एक्सेल डेभलपमेन्ट बैंकले १५ औँ वार्षिक साधारणसभा बोलाएको छ । बैंकको भदौ २२ गते बसेको सञ्चालक समितिको बैठकले वार्षिक साधारणसभा असोज १६ गते बोलाएको हो । बैंकको सभा झापाको बिर्तामोडस्थित सिद्धार्थ होटेलमा बिहान ११ बजेबाट हुने छ ।
बैंकको वार्षिक साधारण सभामा आर्थिक वर्ष २०७६–७७ को चुक्ता पुँजीको १२ प्रतिशत बोनस सेयर पारित गर्नेछ । त्यस्तै, बोनस सेयरको कर प्रयोजनका लागि छुट्याइएको ५१ लाख २२ हजार ८७०.८९ रुपैयाँ बराबरको नगद लाभांश वितरणको प्रस्ताव पारित गर्नेछ ।
त्यस्तै, सभाले उल्लेखित बोनस शेयर निष्कासनका लागि आवश्यक हदसम्म जारी तथा चुक्तापुँजी वृद्धि गर्न स्वीकृति प्रदान गर्नेछ ।
त्यस्तै, सभाले अन्य उपयुक्त बैंक तथा वित्तीय संस्थासँग आपसमा गाभ्ने, गाभिने र प्राप्ति प्रयोजनका लागि आवश्यक सम्पूर्ण कार्य गर्ने अख्तियारी सञ्चालक समितिलाई प्रदान गर्ने विशेष प्रस्ताव पनि पारित गर्नेछ ।
