फेरी घट्यो सुनचाँदीको भाउ
काठमाडौँ । आज बिहीबार नेपाली बजारमा सुनचाँदीको भाउ घटेको छ । हिजो १ सयले घटेको सुनको मूल्य आज २ सय र चाँदी ३५ रुपैयाँले घटेको छ ।
सुनचाँदी व्यवसायी महासङ्घका अनुसार आज छापावाला सुन प्रतितोला ८८ हजार ७ सय तेजाबी सुन ८८ हजार २ सय ५० र चाँदी १ हजार १ सय २० रुपैयाँमा कारोबार भइरहेको छ ।
हिजो बुधबार सुन तोलामा १ सय रुपैयाँले घटेर छापावाला सुन प्रतितोला ८८ हजार ९ सय र तोजावि सुन ८८ हजार ४ सय ५० रुपैयाँमा कारोबार भएको थियो । त्यसैगरी हिजो चाँदीको भाउ स्थिर रहदै १ हजार १ सय ५५ रुपैयाँमा कारोबार भइरहेको छ ।
मंगलबार सुन तोलामा ३ सय रुपैयाँले घटेर छापावाला सुन तोलाको ८९ हजार रुपैयाँ, तेजावी सुन ८८ हजार ५५० रुपैयाँ र चाँदी प्रतितोला १ हजार १५५ रुपैयाँमा कारोबार भएको थियो ।
