सेयर बजारमा करेक्सन, सोमबार दोहोरो अंकले घट्यो, कारोबार रकम साढे १९ अर्ब माथि
काठमाडौं । सोमबार सेयर बजारमा करेक्सन देखिएको छ । आइतबार एकैदिन ११३.४२ अंकले बढेको बजार आज घटेको छ ।
साताको दोस्रो कारोबार दिन बजार २०.४६ अंकले घटेको हो । दिनभरको उतारचढावका बीच परिसूचक २ हजार ६६.०९ अंकको बिन्दुमा पुगेर बन्द भएको छ।
आज फाइनान्स समूह ५६.६२ अंक र हाइड्रोपावर समूह २६.०२ अंकले वृद्धि भएको छ । यी बाहेकका अन्य समूहहरु भने राताम्य बनेका छन् ।
सोमबार कारोबार रकम भने साढे १९ अर्ब पुगेको छ। आज १९ अर्ब ६० करोड ९१ लाख ७७ हजार रुपैयाँ बराबरको सेयर किनबेच भएको छ।
