साहस उर्जाको लकइन अवधि आगामी असोज १६ गते सकिने
काठमाडौं । साहस उर्जाको लक ईन अवधि आगामी असोज १६ गते सकिने भएको छ । संस्थापक समूह, आयोजना प्रभावित क्षेत्रका बासिन्दा र कर्मचारीहरुलाई सुरक्षित गरिएको सेयरको लक ईन अवधि समाप्त हुन लागेको हो।
कम्पनीले २०७८ असोज १७ गते सेयर बाँडफाँट गरेको थियो। कम्पनीको २ करोड ४५ लाख कित्ता संस्थापक सेयर, ३५ लाख कित्ता आयोजना प्रभावित क्षेत्रका बासिन्दाहरुको सेयर र २ लाख १० हजार कित्ता कर्मचारीहरुलाई सुरक्षित गरिएको सेयर लक ईनमा रहेको छ।
असोज १६ गतेपश्चात सो सेयरहरुको कारोबार गर्न सकिनेछ। कम्पनीको सेयर रजिष्ट्रार एनआईएमबि एस क्यापिटल लिमिटेड रहेको छ।
