सेयर बजारमा उच्च गिरावट, २६ सय तल झर्यो परिसूचक, खुम्चियो कारोबार रकम

अर्थ पथ

प्रकाशित मिति : ३१ भाद्र २०८१, सोमबार

काठमाडौं । सेयर बजारको गिरावट कायमै देखिएको छ । साताको दोस्रो कारोबार दिन पनि बजारमा भारी गिरावट आएको छ ।

आइतबार पनि बजार ५०.७३ अंकले घटेको थियो । १.८८ प्रतिशत घटेर बजार परिसूचक २ हजार ६३७.७९ अंकको बिन्दुमा बन्द भएको थियो ।

सोमबार पनि बजार ५७.०३ अंकले घटेको छ । उक्त दिन बजार परिसूचक २ हजार ५८०.७६ अंकको बिन्दुमा पुगेर बन्द भएको छ । आज सबै समूहहरु राताम्य बनेका छन् ।

बजारसँगै आज कारोबार रकम पनि खुम्चिएको छ । आइतबार १० अर्ब ३३ करोड ९२ लाख रुपैयाँ बराबरको सेयर खरिदबिक्री भएको थियो । तर, आज भने ७ अर्ब ३६ करोड १९ लाख ८८ हजार रुपैयाँ बराबरको १ करोड ७० ल ाख ६१ हजार ८०७ कित्ता सेयर किनबेच भएको छ।