सेयर बजारको ओरालो यात्रामा ब्रेक, सबै सूचक हरियाली

अर्थ पथ

प्रकाशित मिति : १२ कार्तिक २०८१, सोमबार

काठमाडौं । साताको दोस्रो कारोबार दिन सोमबार सेयर बजार उकालो लागेको छ । गत बुधबारदेखि निरन्तर ओरालो लागेको बजारमा आज २७.४१ अंकको वृद्धि देखिएको हो। यो सँगै सेयर बजार मापक परिसूचक २६४५.३६ बिन्दुमा पुगेको छ ।

कारोबार अवधिभर ३०७ कम्पनीको एक करोड ४ लाख १८ हजार ९२६ कित्ता सेयर खरिदबिक्री हुँदा ५ अर्ब ३४ करोड ४८ लाख रुपैयाँ बराबरको कारोबार भएको छ ।

आज नेप्सेमा सूचीकृत १३ वटै परिसूचकमा हरियाली छाएको छ ।

यस दिन २१३ कम्पनीको सेयर मूल्य बढ्दा २८ कम्पनीको घटेको छ । २ कम्पनीको भने स्थिर छ । आज जानकी फाइनान्स र दोल्ती पावरको सेयर मूल्यमा सकारात्मक सर्किट लागेको छ ।