८ लाख रुपैयाँ कम मूल्यमा निसानका सबै मोडेलको गाडी किन्न सकिने, झन्डै १४ लाखको फाइदा लिने मौका
काठमाडौँ । निसान गाडी खरिदमा भारी छुट पाइने भएको छ । निसान गाडीको आधिकारिक वितरक कम्पनी पायोनियर मोटो कर्पले निसानका गाडीहरूमा ‘निसान फेस्टिभ ड्राइभ’ को विशेष छुटको योजना ल्याएको हो ।
उक्त योजनामा निसानका सबै गाडी खरिदमा आकर्षक नगद छुटसहित १३ लाख ७५ हजार रुपैयाँसम्मको फाइदा लिन सकिने भएको हो । भदौ २६ गतेदेखि काठमाडौंमा हुने नाडा अटो शो २०२३ र नजिकिँदै गरेको चाडपर्वको अवसरमा उक्त योजना ल्याएको हो ।
योजना अन्तर्गत अब निसानका निसान म्यागनाइट, निसान किक्स, निसान नाभारा, निसान लिफ, र निसान एक्स–ट्रायल खरिदमा ८ लाख कम मूल्य अर्थात् सो बराबरको रकम छुट पाइने भएको छ ।
योजना अन्तर्गत ग्राहकहरूले ‘नाडा अटो सो’मा निसान गाडी बुकिङ गर्दा नि:शुल्क गाडी व्यापक बीमा, नि:शुल्क ३ वर्षको सडक कर (रोड ट्याक्स), नि:शुल्क ३ वर्षको सर्भिसिङ, ३ वर्षको वारेन्टी सहित १३ लाख ७५ हजार बराबरको फाइदा लिन सकिने कम्पनीले जनाएको छ ।
यो योजना अवधिभर विभिन्न मोडलका गाडीहरू उत्कृष्ट मूल्यमा सहज फाइनान्सिङ र विशेष छुटका साथ खरिद गर्न सकिनेछ । यस योजना अवधिभर दिइने विभिन्न नि:शुल्क सुविधाहरूले चाडपर्वको समयलाई थप उत्सवमय बनाउने कम्पनीको विश्वास छ ।
पायोनियर मोटो कर्पले सम्पूर्ण ग्राहकहरूलाई नाडा अटो सो २०२३ मा सहभागी भई वा आफ्ना नजिकको निसान सोरुममा सम्पर्क गरी यो नयाँ योजनाका छुट तथा सुविधा लिन आग्रह समेत गरेको छ।
