प्रि-बुकिङ्ग गरिएका एक्स्पेङ जी ६ एसयुभी दशैं अगावै आइपुग्ने
काठमाडौं । आधिकारिक वितरक सीजी मोटर्सले नेपालको लागि पहिलो चरणका एक्स्पेङ सवारी साधनहरूको आगमनको घोषणा गरेको छ ।
धेरै प्रतीक्षित एक्स्पेङ जी ६ आगामी दशैं भन्दा अघि नै वितरण गर्न लागेको हो । एक्स्पेङ जी ६ बुक गरेका ग्राहकहरूले दशैं भन्दा अगाडी नै गाडी प्राप्त गर्न सक्ने लक्ष्य राखेर यी सवारी साधनहरू चीनबाट प्रस्थान गरिसकेका र छिट्टै नेपालमा आउने अपेक्षा गरिएको एक्स्पेङ ले जानकारी दिएको छ ।
सीजी मोटर्सले प्रारम्भिक पूर्वानुमानभन्दा धेरै बुकिङ गर्न सफल भएको छ । जसले एक्स्पेङको स्मार्ट ड्राइभिङ प्रविधि, जस्तै स्वचालित ड्राइभिङ, अल्ट्रा–फास्ट चार्जिङ्ग्, ५०ः५० लोड रेसियो र सेपा २.० प्रति बढ्दो विश्वासलाई झल्काउँछ ।
सीजी मोटर्सले ग्राहक सेवा प्रदान गर्ने र वितरण समयमा नै सुचारु गराउने प्रतिबद्धता जनाएको छ।
