माछापुच्छ्रे बैंकले लाभांश नदिने
काठमाडौं । माछापुच्छ्रे बैंक लिमिटेडले यो वर्ष लाभांश नदिने भएको छ ।
कम्पनीको पुष १ गते बसेको संचालक समितिको बैठकले गत आर्थिक वर्ष २०७८।०७९ को मुनाफाबाट शेयरधनीहरुलाई लाभांश नदिने निर्णय गरेको हो । गत आर्थिक वर्ष २०७८।०७९ को सम्पूर्ण वितरणयोग्य नाफा सञ्चितिमा राख्ने बैंकले निर्णय गरेको छ ।
संचालक समितिको उक्त निर्णय अनुमोदनका लागि नियामक नेपाल राष्ट्र बैंक र माछापुच्छ्रेको आगामी वार्षिक साधारणमा पेश गरिनेछ ।
