नबिल बैंकको ऋणपत्रमा पहिलो दिन मै कति पर्यो आवेदन ?
काठमाडौँ । नबिल बैंकले ऋणपत्रमा ३ करोड ९ लाख ५९ हजार रुपैयाँ संकलन भएको छ । सिडिएसका अनुसार आज अर्थात मंसिर २९ गते साँझ ५ः०८ बजेसम्म ५०१ जनाले ३० हजार ९५९ कित्ताका लागि आवेदन परेको हो ।
बैंकले ७ वर्ष अवधिको वार्षिक ९ प्रतिशत ब्याजदरमा ‘९ प्रतिशत नबिल डिबेन्चर २०८७’ निष्काशन गरेको हो । बैंकले प्रतिऋणपत्र एक हजार अंकित दरका ३ अर्ब रुपैयाँ बराबरको ३० लाख कित्ता ऋणपत्र निष्काशन गरेको छ । त्यसमा ६० प्रतिशत अर्थात १ अर्ब ८० करोड रुपैयाँ बराबरको १८ लाख कित्ता व्यक्तिगत तवरबाट बाँडफाँट गरिनेछ ।
बाँकी ४० प्रतिशत अर्थात १ अर्ब २० करोड रुपैयाँ बराबरको १२ लाख कित्ता सर्वसाधारणमा बाँडफाँट गरिनेछ भने सर्वसाधारणमा बाँडफाँट गरिने ऋणपत्रमध्ये ५ प्रतिशत अर्थात ६० हजार कित्ता ऋणपत्र सामूहिक लगानी कोषहरुका लागि छुट्याइएको छ ।
उक्त ऋणपत्रमा न्यूनतम २५ कित्ता र अधिकतममा १२ लाख कित्ताका लागि आवेदन दिन सकिनेछ । आवेदन छिटोमा पुस ३ गते हुनेछ भने ढिलोमा पुस १३ गते हुने बैंकले जनाएको छ।
बैंकको धितोपत्र निष्काशन तथा बिक्री प्रबन्धक कुमारी क्यापिटल लिमिटेड रहेको छ ।
