होम अप्लायन्सको विश्वकै अग्रणी ब्रान्ड ‘बोस’ अब नेपालमा, जावलाखेलमा खुल्यो पहिलो स्टोर

काठमाडौँ । बीएसएच हाउसगेरेट जीएमबीएचको सहायक कम्पनी तथा होम अप्लायन्स उद्योगको विश्वव्यापी अग्रणी कम्पनी बीएसएच होम एप्लायन्सेज प्रालीले आज दक्षिण एशियामा आफ्नो वृद्धि यात्राको एक महत्वपूर्ण उपलब्धिका रूपमा नेपालमा पहिलो बोस ब्रान्ड स्टोर सञ्चालनमा ल्याएको घोषणा गरेको छ। यो सञ्चालन नेपालको प्रतिष्ठित तथा विविध व्यावसायिक समूह लक्ष्मी ग्रुपसँगको सहकार्यमा गरिएको हो।

ललितपुरको प्रमुख व्यावसायिक क्षेत्र जावलाखेलमा अवस्थित नयाँ बोस ब्रान्ड स्टोरले उपभोक्ताहरूलाई रेफ्रिजेरेसन, लन्ड्री, डिशवाशिङ, फुड प्रिपरेसन र बिल्ट-इन किचन समाधानहरू समेटिएको बोसको प्रिमियम होम अप्लायन्स पोर्टफोलियो प्रत्यक्ष अनुभव गर्ने अवसर प्रदान गर्नेछ। यस स्टोरले बोसको विश्वभर परिचित जर्मन इन्जिनियरिङ र प्राविधिक उत्कृष्टतालाई नेपाली उपभोक्तामाझ अझ नजिक ल्याउनेछ।

यो सञ्चालन बोसको नेपालप्रतिको रणनीतिक प्रतिबद्धताको संकेत हो। शहरीकरण, बढ्दो खर्चयोग्य आय र दैनिक जीवनलाई सहज बनाउने प्रिमियम, प्रविधिमैत्री उपकरणप्रतिको बढ्दो रुचिका कारण नेपालको जीवनशैली तीव्र रूपमा परिवर्तन हुँदै गएको छ। सुविधा, दक्षता, स्वच्छता र उत्कृष्ट प्रदर्शन प्रदान गर्ने उत्पादनहरू खोजिरहेका उपभोक्ताहरूका लागि बोस आफ्ना श्रेणी-नेतृत्व गर्ने नवप्रवर्तनमार्फत यस परिवर्तनलाई साथ दिन विशेष रूपमा सक्षम छ, जसले विश्वभरका लाखौँ घरपरिवारको विश्वास जितेको छ।

बीएसएच होम एप्लायन्सेज इन्डियाका म्यानेजिङ डिरेक्टर तथा चिफ एक्जुकेटिभ अफिसर सैफ खानले भने, ‘नेपाल उपभोक्ता विकासको उत्साहजनक चरणमा छ। बढ्दो आकांक्षा, परिवर्तनशील जीवनशैली र गुणस्तरप्रतिको बढ्दो सम्मानले प्रिमियम होम अप्लायन्स क्षेत्रमा नयाँ अवसरहरू सिर्जना गरिरहेको छ। हामी यस बजारमा ठूलो दीर्घकालीन सम्भावना देख्छौँ र लक्ष्मी ग्रुपसँगको निरन्तर सहकार्यबाट हाम्रो उपस्थिति अझ सुदृढ बनाउन पाउँदा खुसी छौँ।’

खानले बोसका लागि ‘इन्भेन्टेड फर लाइफ’ केवल विज्ञापन नारा होइन, यो उत्पादन विकासप्रतिको दृष्टिकोणलाई निर्देशित गर्ने गहिरो विश्वास भएकाे बताए। दैनिक जीवनलाई सरल बनाउने समाधानहरू खोज्ने उपभोक्ता बढ्दै जाँदा, बोस यस परिवर्तनलाई साथ दिन विशेष रूपमा सक्षम छ भन्ने विश्वास व्यक्त गरे।

यस प्रविधिहरूले उच्च प्रदर्शन, बलियो टिकाउपन र प्रयोगकर्ता-केन्द्रित सोचयुक्त नवप्रवर्तनलाई संयोजन गर्दै उत्कृष्ट परिणाम प्रदान गर्छन् र मानसिक तथा शारीरिक सहजतालाई उकास्ने उनकाे भनाइ छ

नेपालमा पहिलो समर्पित बोस ब्रान्ड स्टोर सञ्चालन हुनु दक्षिण एशियामा हाम्रो वृद्धि यात्राको महत्वपूर्ण उपलब्धि भएकाे उनले बताए। यसले बजारमा लगानी गर्ने, उपभोक्तालाई विश्वस्तरीय प्रविधिमा पहुँच विस्तार गर्ने र आगामी वर्षहरूमा दिगो वृद्धिका लागि बलियो आधार निर्माण गर्ने बताए।

फ्रन्ट-लोड वाशिङ मेसिनमा बोसको विश्वव्यापी नेतृत्वलाई थप अघि बढाउँदै

बोसले नेपालको लन्ड्री बजारमा महत्वपूर्ण अवसर देखेको छ, जहाँ फ्रन्ट-लोड वाशिङ मेसिनले श्रेणीगत बिक्रीको ७०-८० प्रतिशतभन्दा बढी हिस्सा ओगटेको छ। यसले नेपाललाई यस क्षेत्रकै बलियो फ्रन्ट-लोड बजारमध्ये एक बनाएको छ। यो प्राथमिकता बोसको लन्ड्री प्रविधिमा रहेको विश्वव्यापी नेतृत्वसँग नजिकबाट मेल खान्छ।

फ्रन्ट-लोड लन्ड्री प्रविधिमा ७० वर्षभन्दा बढीको अनुभवका आधारमा बीएसएच होम एप्लायन्सेजले फेब्रिक केयरलाई निरन्तर नयाँ रूपमा परिभाषित गर्दै आएको छ। उच्च गुणस्तर र असाधारण टिकाउपन सुनिश्चित गर्न बलियो सामग्रीबाट तयार गरिएका बोस वाशिङ मेसिनहरू लामो उत्पादन जीवनचक्र र उच्च विश्वसनीयताका लागि इन्जिनियर गरिएका छन्। शक्तिशाली सफाइ, स्रोतको दक्ष प्रयोग र कपडाको संरक्षणलाई ध्यानमा राखेर डिजाइन गरिएका यी समाधानहरूले उच्च प्रदर्शनको वाचा पूरा गर्दै आधुनिक घरपरिवारले विश्वास गर्ने दीर्घकालीन मूल्य र मनको शानति प्रदान गर्छन्।

नेपालको उदाउँदो डिशवाशर बजारमा वृद्धि अघि बढाउँदै

नेपालमा वृद्धि अघि बढाउने प्रमुख श्रेणीहरूमध्ये डिशवाशिङ पनि एक हो। बदलिँदो पारिवारिक संरचना, स्वच्छताप्रतिको बढ्दो सचेतना र दुई आयस्रोत भएका परिवारहरूको बढ्दो संख्याले यसप्रति उपभोक्ता रुचि तीव्र बनाउँदै लगेको छ। नेपालमा डिशवाशरको प्रयोग अझै सुरुवाती चरणमै रहे पनि, विश्वव्यापी एक्स्पोजर, बदलिँदो जीवनशैली र समय बचत गर्ने समाधानप्रतिको बढ्दो मूल्यांकनका कारण उपभोक्ता सचेतना क्रमशः बढिरहेको छ। विदेशमा बसोबास गरेका धेरै नेपालीहरू डिशवाशरका फाइदासँग पहिल्यै परिचित छन् र आफ्ना परिवारमा यो श्रेणीलाई परिचय गराइरहेका छन्।

विश्वकै अग्रणी डिशवाशर ब्रान्डका रूपमा बोस उपभोक्ता शिक्षा र अर्थपूर्ण प्रविधिमार्फत यस श्रेणीको विकास अघि बढाउन सक्षम स्थानमा छ। वातावरणीय तथा सामाजिक जिम्मेवारीप्रति बोसको विश्वव्यापी प्रतिबद्धतासँग पूर्ण रूपमा मेल खाने हाम्रा डिशवाशरहरूले उत्कृष्ट स्वच्छता र सफाइ परिणाम प्रदान गर्नुका साथै घरपरिवारलाई समय, पानी र ऊर्जा जस्ता महत्वपूर्ण स्रोत बचत गर्न मद्दत गर्छन्। यसैले यी उपकरणहरू आधुनिक, स्वस्थ र दिगो जीवनशैलीका लागि अत्यन्त सान्दर्भिक छन्।

प्रिमियम किचनको भविष्यलाई आकार दिँदै

उपभोक्ताहरूले मोड्युलर किचन, प्रिमियम आवास र एकीकृत लिभिङ स्पेसहरूलाई बढ्दो रूपमा अपनाउँदै गएसँगै बोसले नेपालको बढ्दो बिल्ट-इन अप्लायन्स क्षेत्रमा पनि सक्रिय रूपमा लगानी गरिरहेको छ।

इन्जिनियरिङको सूक्ष्मताप्रति बोसको प्रतिबद्धतालाई निरन्तरता दिँदै, ब्रान्डको बिल्ट-इन ओभन, हब र हुडहरूको पोर्टफोलियोले उन्नत सेन्सर प्रविधिलाई आधुनिक र आकर्षक डिजाइनसँग संयोजन गर्छ। अत्याधुनिक प्रविधि भए पनि यी उपकरणहरू प्रयोग गर्न सहज र इन्टुइटिभ छन्, जसले सजिलो सञ्चालन र पूर्ण नियन्त्रण प्रदान गर्छन्। नयाँ ब्रान्ड स्टोरले उपभोक्ताहरूलाई बोसले जटिल प्रविधिलाई कसरी सरल समाधानमा रूपान्तरण गर्छ र प्रत्येक पाक अनुभवमा उत्कृष्ट परिणाम हासिल गर्न कसरी सक्षम बनाउँछ भन्ने कुरा प्रत्यक्ष अनुभव गर्ने अवसर दिनेछ।

सहकार्यबारे टिप्पणी गर्दै लक्ष्मी ग्रुपका चियरम्यान गणेश बहादुर श्रेष्ठले पाँच दशकभन्दा बढी समयदेखि लक्ष्मी ग्रुपले विश्वस्तरीय उत्पादन, प्रविधि र अनुभवलाई नेपाली उपभोक्तामाझ नजिक ल्याउँदै नेपालको प्रगतिमा योगदान पुर्‍याउन प्रतिबद्ध रहँदै आएको बताए।

आज नेपाल आधुनिक जीवनशैली र बढ्दो आकांक्षाको नयाँ युगमा प्रवेश गरिरहेका बेला, गुणस्तर, जिम्मेवारी र विश्वसनीयताका लागि विश्वव्यापी रूपमा परिचित बोससँगको सहकार्यलाई थप मजबुत बनाउन पाउँदा खुसी व्यक्त गरे।

उनले भने, ‘बोस ब्रान्ड स्टोरको सञ्चालनले नेपाली उपभोक्ताहरू नवप्रवर्तन, डिजाइन र बलियो टिकाउपनको संयोजन भएका विश्वस्तरीय गुणस्तरका उत्पादनहरू खोजिरहेका छन् भन्ने हाम्रो विश्वासलाई प्रतिबिम्बित गर्छ। नेपाल बोसको दीर्घकालीन वृद्धि यात्राको हिस्सा बन्दै गएकोमा हामी गौरवान्वित छौँ र यो सहकार्यले देशको प्रिमियम होम अप्लायन्स बजारको विकासमा अर्थपूर्ण योगदान पुर्‍याउनेछ भन्नेमा विश्वस्त छौँ।’

जावलाखेल स्थानलाई यसको उत्कृष्ट विजिबिलिटी, कुमारिपाटीस्थित नेपालको प्रमुख अप्लायन्स रिटेल क्षेत्रसँगको निकटता र समृद्ध तथा आकांक्षी उपभोक्ताको बढ्दो आधारसम्म पहुँचका कारण रणनीतिक रूपमा छनोट गरिएको हो। यो स्टोर उपभोक्तालाई ह्यान्ड्स-अन प्रोडक्ट डेमन्स्ट्रेसन, विशेषज्ञ परामर्श र उन्नत रिटेल एक्सपिरियन्स प्रदान गर्ने गरी डिजाइन गरिएको छ, जसले बोसको प्रविधि र नवप्रवर्तन प्रत्यक्ष रूपमा अन्वेषण गर्न सक्षम बनाउनेछ।

यस सञ्चालनले देशभर रहेका ७० भन्दा बढी डिलर पार्टनरहरू र २० मोडर्न ट्रेड आउटलेटहरूको विस्तृत सञ्जाललाई पूरक बनाउँदै नेपालमा बोसको उपस्थिति थप सुदृढ बनाएको छ।

आगामी दिनमा बोसले रिटेल एक्सेलेन्स, कन्जुमर एजुकेसन, उच्च गुणस्तरीय एफ्टर-सेल्स सर्भिस र रेफ्रिजेरेसन, लन्ड्री, डिशवाशिङ तथा बिल्ट-इन किचन समाधानहरूमा पोर्टफोलियो एक्सपान्सनमार्फत आफ्नो फुटप्रिन्ट थप गहिरो बनाउने योजना राखेको छ।

नेपालको होम अप्लायन्स बजार निरन्तर विकसित हुँदै जाँदा, बोसले अर्थपूर्ण नवप्रवर्तन, उत्कृष्ट गुणस्तर र उन्नत जीवन अनुभव उपभोक्तासम्म पुर्‍याउँदै आगामी वर्षहरूमा देशको सबैभन्दा विश्वसनीय प्रिमियम होम अप्लायन्स ब्रान्ड बन्ने लक्ष्य राखेको छ।