क्षेत्र वर्गीकरण गरी लकडाउन गर्न सुझाव « Artha Path
१३ बैशाख २०७७, शनिबार

क्षेत्र वर्गीकरण गरी लकडाउन गर्न सुझाव



काठमाडौं । कोरोना भाइरसको रोकथामका लागि प्रभावकारी रूपमा कार्य गर्न राष्ट्रिय सभाअन्तर्गतका समितिले निर्देशन दिएको छ । शुक्रवार बुेको बैठकहरुमा राष्ट्रिय सभाअन्तर्गतका विधायन व्यवस्थापन, दिगो विकास तथा सुशासन र राष्ट्रिय सरोकार तथा समन्वय समिति लगायत तीन समितिको बैठकले यस्तो निर्देशन दिएको हो ।

लकडाउनको समयमा भर्चुअल प्रविधिको प्रयोग गरि विभिन्न समयमा बैठक बसेको भएपनि शुक्रवार भने भौतीक दूरी कायम गरि बैठक बसेको हो ।

विधायन व्यवस्थापन समितिको बैठकले सरकारलाई कोरोना सङ्क्रमित क्षेत्र, सङ्क्रमण जोखिमपूर्ण क्षेत्र, सङ्क्रमण नरहेको क्षेत्र वर्गीकरण गरी आंशिक र पूर्ण लकडाउन गर्न सुझाव दिएको छ । बैठकले शहरी क्षेत्र, ग्रामीण क्षेत्र, साना ठूला उद्योग सञ्चालित क्षेत्रसमेतको स्थान वर्गीकरण गरी आंशिक तथा पूर्ण लकडाउन गर्ने गरी छनोट नीति अवलम्बन गर्नसमेत सुझाव दिएको हो ।

कृषि बाली लगाउने, बाली उठाउने, तरकारी लगायत कृषि उत्पादनहरू कृषकबाट सङ्कलन, ढुवानी, वितरणको व्यवस्थापन प्रणाली सहज र प्रभावकारी बनाउन सरकार स्वयं वा निजी तथा सरकारी क्षेत्रबाट प्रभावकारी रूपमा सञ्चालन गर्नुपर्ने सुझाव पनि दिएको छ । यसैगरी दिगो विकास तथा सुशासन समिति र राष्ट्रिय सरोकार तथा समन्वय समितिले कोरोना महामारी कम हुने आवश्यक स्वास्थ्य सामग्री सबै ठाउँमा सहज रूपमा उपलब्ध गराउन सरकारलाई निर्देशन दिएका छन् ।


प्रतिक्रिया दिनुहोस्