एनएमबीको बल्खु कृषि तथा तरकारी र कुलेश्वरको फलफूल बजारमा नबिलको क्यूआर सेवा शुरु

काठमाडौं । काठमाडौंको बल्खु कृषि तथा तरकारी बजारमा एनएमबी बैंकको क्यूआर कोड भुक्तानी सेवा सुरु गरिएको छ । नेपाल राष्ट्र बैंकका गभर्नर महाप्रसाद अधिकारीले एक धार्नी प्याज किनेर क्यूआर कोडमार्फत भुक्तानी गरी एनएमबी बैंकको क्यूआर भुक्तानी सेवा सुरु गरेका हुन् । अब तरकारी बजारमा जाने उपभोक्ताले आफ्नो मोबाइल बैंकिङ एप्पिकेसन वा मोबाइल वालेटमार्फत सजिलै खरिद गरेको तरकारी तथा फलफूलको रकम भुक्तान गर्न सक्नेछन् ।

क्यूआर कोड भुक्तानी सेवा एक नवीन भुक्तानी प्रणाली रहेकाले महामारीको समयमा सुरक्षित रहन सबैले क्यूआर कोडबाट नै भुक्तनी गर्दा संक्रमण नहुने गभर्नर अधिकारीले बताएका छन् । कोभिडको महामारीको कारणले डिजिटल बैंकिङ आवश्यक रहेको उनको भनाइ छ । राज्यका सबै भूगोलमा वित्तीय संस्थाका वित्तीय पहुँच, वित्तीय समावेशीकरण, पारदर्शिता र आर्थिक समृद्धि र सबै प्रशासनिक कार्यालयमा शुसान कायम गर्न पनि क्यूआर कोड आवश्यक रहेको गभर्नर अधिकारीले बताए ।

त्यस्तै, कुलेश्वर फलफूल बजारमा नबिल बैंकको क्यूआर कोड भुक्तानी सेवा सुरु गरिएको छ । नेपाल राष्ट्र बैंकका गभर्नर महाप्रसाद अधिकारीले स्याउ किनेर गरी क्यूआर कोडमार्फत भुक्तानी गरी नबिल बैंकको क्यूआर भुक्तानी सेवा सुरु गरेका हुन् । अब फलफूल बजारमा जाने उपभोक्ताले आफ्नो मोबाइल बैंकिङ एप्पिकेसन वा मोबाइल वालेटमार्फत सजिलै खरिद गरेको फलफूल तथा तरकारीको रकम भुक्तान गर्न सक्नेछन् ।

नगद तथा डेबिट र क्रेडिट कार्डको विकल्पमा क्यूआर कोड भुक्तानी छिटो र झन्झटमुक्त रहेको गभर्नर अधिकारीले बताए । छिटो र कारोबारको कुनै शुल्क नलाग्ने भएकाले पछिल्लो पटक उपभोक्ताहरुले क्ूआर कोडमार्फत नै कारोबार गर्न उनले आग्रह गरेका छन् ।