ट्रष्ट माइक्रो इन्स्योरेन्सले पायो थप १६ उपशाखा तथा एक्सटेन्सन काउन्टर खोल्ने अनुमति
काठमाडौं । ट्रष्ट माइक्रो इन्स्योरेन्स लिमिटेडले थप उपशाखा कार्यालय तथा एक्सटेन्सन काउन्टर सञ्चालन स्वीकृति पाएको छ । कम्पनीलाई नेपाल बीमा प्राधिकरणले थप १६ शाखा विस्तारका लागि स्वीकृति प्रदान गरेको हो ।
प्राधिकरणले बीमकको शाखा कार्यालय सम्बन्धी निर्देशिका, २०७९ को दफा ६ (५) र दफा १० बमोजिम विभिन्न १६ स्थानमा शाखा सञ्चालनका लागि स्वीकृति प्रदान गरिएको हो ।
कम्पनी लिमिटेडले गत चैत ९ गतेबाट रुपन्देहीको तिलोतमा २ जानकीनगरबाट लघु निर्जीवन बीमा व्यवसाय सुरू गरेको हो ।
झापाको विर्तामोड, मोरङको विराटनगर, उदयपुरको गाईघाट, महोत्तरीको बर्दिबास, सर्लाहीको लालबन्दी, सिराहाको मिर्चैया, रामेछापको मन्थली, काभ्रेपलाञ्चोकको बनेपा, दोलखाको जिरी, भक्तपुरको सुर्यविनायक, रोल्पा, प्यूठान, दाङको घोराही र राप्ति, सुर्खेतको वीरेन्द्रनगर र कञ्चनपुरको भीमदत्तमा शाखा तथा एक्सटेन्सन काउन्टर खोल्ने अनुमति पाएको हो । कम्पनीले हाल २२ वटा शाखामार्फत बीमा सेवा प्रदान गर्दै आइरहेको छ ।
निर्देशिकाले तोकेको न्यूनतम भौतिक पूर्वाधार, मानवस्रोत, लगायत आन्तरिक नियमनको व्यवस्था गरी कार्यविधिगत अधिकार प्रत्यायोजनसहित तोकिएको अवधिभित्र कार्यालय सञ्चालन प्रारम्भ गरी सोको विवरण आईआरएमआईएस पोर्टलमा अद्यावधिक प्राधिकरणले अनुरोध गरेको छ।
